Mbi 24 milionë euro janë ndarë nga Qeveria e Kosovës për përballje të ngritjes së mundshme të çmimit të energjisë elektrike si dhe 5 milionë euro për subvencionimin e kursimit të energjisë elektrike nga konsumatorët.
Kështu ka bërë të ditur kryeministri i Kosovës, Albin Kurti përmes një postimi në Facebook, duke iu referuar vendimeve të marra gjatë mbledhjes së sotme të qeverisë, raporton arbresh.info.
“Nga mbledhja e 118-të me radhë, e para për këtë vit: Në 24 vjetorin e Masakrës së Reçakut, ndamë mjete për librin e Ambasadorit Ëilliam Ëalker, rreth masakrës së 15 janarit 1999 dhe peshës historike të saj. Për përballje me krizën energjetike, miratuam masa emergjente në furnizimin me energji, si dhe ndamë:24,6 milionë euro për përballje të ngritjes së mundshme të çmimit të energjisë elektrike; 5 milionë euro për subvencionimin e kursimit të energjisë elektrike nga konsumatorët”, shkruan Kurti.
Po ashtu, i pari i ekzekutivit bëri të ditur se me Projektligjin për investime të qëndrueshme po vendoset një kornizë të re ligjore për nxitjen dhe mbrojtjen e investimeve.
“Me qellim të rritjes së investimeve, miratuam Projektligjin për Parqet Industriale dhe Teknologjike. Mbështetëm mbajtjen e Forumit të Investimeve, për promovimin e vendit tonë dhe investimeve nga Zvicra në Kosovë. Miratuam Strategjinë e Transportit Multimodal për vitet 2023-2030, për ngritje të sigurisë së transportit dhe digjitalizimin e tij”, shkruan Kurti tutje.
Gjatë kësaj mbledhje janë mjete edhe për Fondacionin Shqiptaro-Amerikan në realizimin e projektit “Muri i Nderit” në Prishtinë, janë emëruar drejtorët e Bordit të Hidrodrinit në Pejë.
“Ndamë 100 mijë euro për Kosovo American Education Fund (KAEF), për të vazhduar kontributin për të ardhmen e Kosovës, për studentët tanë. Për t’i treguar botës historinë unike të sakrificës shqiptare në shpëtimin e hebrenjve gjatë Holokaustit, ndamë 250 mijë euro për Fondacionin Shqiptaro-Amerikan në realizimin e projektit “Muri i Nderit” në Prishtinë. Si dhe emëruam drejtorët e Bordit të Kompanisë Rajonale të Ujësjellësit Hidrodrini Sh. A. Pejë”, shprehet kreu i Qeverisë së Kosovës./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite